Sos Caddos Birdes de Ortigale 23-03-2012

Amazone Ortigalesa 23-03-2012

De tottu sos contos sardos ki mi piaghent de piusu est su contu de Sos Caddos Birdes, sos caddos sardos ki, parede ispantu, ma fini de colore birde, fini mentovados po sa bellesa insoro et fidi raru a los attoppare, fini magicos et fini unu sinnu de libertade.
A los avvicinare fidi difficile meda et non b’este risultadu mai niunu a los setzere. Si bidìana a s’improvvisu et isparìana in su nudda.
Si bidiana in calki paristoria de cussas logudoresas ki si passaiant da una parentela a s’attera.
Custos animales benìana mentovados siada in sa bidda de Ortigale, ki los jughede in s’istendardu, ke in atteras biddas (kircande in internet appo acciappadu mentovados Borore, Ardara, Suni, Otzieri, Lodé, Biddanoa Monteleone → si narada ki su re de custa idda ‘nde tenzerada unu).
In caliguna de custas historias naraìana ki sas orminas fini mannas meda, de animales ispropositados. In atteras invece si naràda ki fini caddittos piccoccos a pilu birde. Po caligunu solu a bi passare a pé o a caddu insusu de sas orminas fidi unu dannu mannu: po tottu sa vida fit bistadu perseghidu dae sa malasorte; ma po atteros custas creaturas tenìana trassas “magicas” et benignas, o fintzas si domandados ti naraìana ‘su ki ti devìada sutzedere.
Sos contos narant ki non fini custos animales a battire s’iscominiga ma s’ignorantzia de custa zente ki pretendìada de los podere impreare o de los podere tennere commente lis parìada et piaghiada.
Unu contu antigu narada ki cando Etedlla Bilde (su nommene de unu de custos animales) s’ada a faghere setzere, sa die de su “Re Pastore” ada a bennere, in d’unu tempus magicu, ki ada a battire sa pache et s’armonia tra sa zente et sa Natura, et dae sa die ada a bennere su tempus de sa libertade et de sa paridade.
In Ortigale naraìana ki si bidìana currinde dae Aidu ‘e Entos a Santu Padre. B’a’ contos anticos ki narana ki faghiant un’hardia ki partìada dae Mulària (sa chi oe si narada Mularza) a Santu Padre, a nord de Ortucale (cussu chi commo este Bortigale), et a su contrariu…ma preferzo a mi perdere in sa bisione et in sos contos…

Cummintzo goi, cun custa picciocca a caddu ki jughede su costummene de Ortigale, sos disegnos de sas piccioccas a caddu, sas Amazones…

Moju

Ortigale 23-03-2012 Sottopassaggio nella vecchia strada 129

Ortigale in notturna

Ortigale 23-03-2012

Ortigale 23-03-2012